ឯកឧត្តម​ ឈា​ ប៊ុនរិទ្ធ​ អគ្គនាយកកិច្ចការបច្ចេកទេស​ ដឹកនាំក្រុមការងារបច្ចេកទេសក្រសួង​ ចុះពិនិត្យជាក់ស្តែងលេីការស្តារ​បឹងអាងកញ្ជោត​ និងអាងទឹកចាន់ថ្នាល​ ក្នុងស្រុកគង់ពិសី ស្រុកឧដុង្គ​ ខេត្តកំពង់ស្ពឺ​ 

ខេត្តកំពង់ស្ពឺ ÷ នាថ្ងៃសុក្រ ៤រោច ខែស្រាពណ៍ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី២៧ ខែសីហា ឆ្នាំ២០២១ ឯកឧត្តម​ ឈា​ ប៊ុនរិទ្ធ​ អគ្គនាយកកិច្ចការបច្ចេកទេស​ អមដំណេីរដោយ​ លោក​ ហៀង​ ម៉េង​ ប្រធាននាយកដ្ឋានវិស្វកម្ម​ លោក​ ថាច់​ សុវណ្ណា​ ប្រធាននាយកដ្ឋានគ្រប់គ្រង​ និងអភិរក្សធនធានទឹក​ និងលោក​ ហ៊ុយ​ វ៉ាន់ថា​ ប្រធាននាយកដ្ឋានសហគមន៍កសិករប្រេីប្រាស់ទឹក​ សហការជាមួយលោក​ ញ៉ាញ់​ ជាបហ៊ង​ ប្រធានមន្ទីរធនធានទឹក​ និងឧតុនិយមខេត្តកំពង់ស្ពឺ​ បានដឹកនាំក្រុមការងារបច្ចេកទេសក្រសួង​ ចុះពិនិត្យជាក់ស្តែងលេីការស្តារ​បឹងអាងកញ្ជោត​ ស្ថិតក្នុងភូមិទួលត្បែង​ ឃុំព្រៃវិហារ​ ស្រុកគងពិសី​ និងអាងទឹកចាន់ថ្នាល​ ស្ថិតក្នុងឃុំក្រាំងចេក​ ស្រុកឧដុង្គ​ ខេត្តកំពង់ស្ពឺ​ ដេីម្បីឲ្យត្រឹមត្រូវទៅតាមលក្ខណ:បច្ចេកទេស​ ព្រមទាំងអាចបង្កេីនសមត្ថភាព​ និងប្រសិទ្ធភាពនៃការរក្សាទឹក​ទុក សម្រាប់បងប្អូនប្រជាពលរដ្ឋនៅជុំវិញតំបន់នោះផងដែរ​៕