ការអនុវត្តគម្រោងជួសជុលបន្ទាន់ប្រព័ន្ធធារាសាស្រ្ត ដែលខូចខាតដោយ គ្រោះទឹកជំនន់ ឆ្នាំ ២០១១​​បានសង្គ្រោះស្រូវរដូវប្រាំងចំនួន ២.២០០​ ហ.ត នៅក្រុងសៀមរាប

ក្រសួងធនធានទឹក និងឧតុនិយម បានដំណើរការងារការដ្ឋានជួសជុលបន្ទាន់ប្រព័ន្ធស្រោចស្រពបារាយណ៍

ស្ថិតនៅក្នុងសង្កាត់ទឹកវិល និង សង្កាត់អង្គរធំ ក្រុងសៀមរាប ខេត្តសៀមរាបចាប់ផ្តើមអនុវត្តន៏ថ្ងៃទី ០១ ខែ ធ្នូ ឆ្នាំ ២០១១​ មកដល់ពេលនេះសម្រេចបាន ៩០ភាគរយ ។ ការងារការដ្ឋាននេះរួមមាន ៖

-  ស្តារប្រឡាយមេបារាយណ៏ ប្រវែង ៨.០០០ម

-  ជួសជុលសំណង់បង្ហៀរទ្វារទឹកប្រាសាទ    ចំនួន ០១ កន្លែង

-  ជួសជុលសំណង់ទ្វារទឹកតាកាវ                  ចំនួន ០១ កន្លែង

-  ជួសជុលសំណង់ទ្វារទឹកលើប្រឡាយ        ចំនួន ០១ កន្លែង

-  សំណង់លូជ្រុងយកទឹកលើប្រឡាយ          ចំនួន ០២ កន្លែង

តាមការបញ្ជាក់ពីលោក នួន គ្រឹះស្នា ប្រធានមន្ទីរធនធានទឹក និងឧតុនិយម បានឲ្យដឹងថា ទោះគម្រោងនេះ ពុំទាន់រួចរាល់ជាស្ថាពរ​ ក៏គម្រោងនេះអាចជួយឲ្យស្រូវប្រាំងបងប្អូនប្រជាពលរដ្ឋ ក្នុងសង្កាត់ទឹកវិល និងសង្កាត់អង្គរធំ ចំនួន ២.២០០ ហ.ត ឲ្យរួចផុតពីការខ្វះខាតទឹក ។

ការអន្តរាគមន៍បូមទឹកសង្រ្គោះស្រូវប្រាំងនៅខេត្តក្រចេះ

ក្រុមការងារក្រសួងធនធានទឹក ​និងឧតុនិយម ព្រមទាំងមន្ទីរធនធានទឹក និងឧតុនិយមខេត្តក្រចេះ បានអនុវត្តការងារ អន្តរាគមន៍បូមសង្គ្រោះស្រូវបងប្អូនប្រជាពលរដ្ឋ ៖

សរុប៖ ការអន្តរាគមន៏បូមសង្គ្រោះស្រូវរដូវប្រាំងនៅខេត្តក្រចេះ បានចំនួន ២៨០ ហ.ត ក្នុងស្រុក​៤ ស្មើរ ​៧ឃុំ

ក្រសួងធនធានទឹក និងឧតុនិយម អន្តរាគមន៍បូមទឹកសង្គ្រោះស្រូវរដូវប្រាំង ឃុំព្រែកនរិន្ទ ស្រុកឯកភ្នំ ខេត្តបាត់ដំបង

នៅព្រឹកថ្ងៃទី២៦ ខែមករា ឆ្នាំ ២០១២ ឯកឧត្តម លឹម គានហោ រដ្ឋមន្ត្រីក្រសួងធនធានទឹក និងឧតុនិយម បានបន្តបេសកកម្មចុះត្រួតពិនិត្យតម្រូវការទឹកសម្រាប់ការងារបង្ករបង្កើនផលស្រូវរដូវប្រាំងនៅឃុំព្រែកនរិន្ទ ស្រុកឯកភ្នំ ខេត្តបាត់ដំបង ដែលទីតាំងនេះនាឆ្នាំកន្លងមកធ្វើស្រែប្រាំងបានតែចំនួនប្រមាណ ១៩០ហ.ត មកដល់ពេលនេះ បងប្អូនប្រជាពលរដ្ឋធ្វើបានចំនួន ៥០០ហ.ត ។ ការបង្ករបង្កើនផលស្រូវនេះ ជួបការខ្វះខាតទឹក តម្រូវ ឲ្យមានការជួយអន្តរាគមន៍បូមទឹកជាបន្ទាន់ពី ក្រសួងធនធានទឹក និងឧតុនិយម ដោយប្រើប្រាស់ម៉ាស៊ីនបូមទឹកចល័តកម្លាំង ៦៥សេះ ចំនួន ០៣គ្រឿង ដាក់នៅ ០៣កន្លែង ។ ដើម្បីដោះស្រាយបញ្ហានេះ នាពេលខាងមុខ ឯកឧត្តមរដ្ឋមន្រ្តី បានឲ្យមន្ត្រីបច្ចេកទេសរៀបចំជាស្ថានីយ៍បណ្តែត ដោយប្រើប្រាស់ម៉ាស៊ីនបូមទឹកកម្លាំង ៦៥សេះ ចំនួន ០២គ្រឿង

ការងារអន្តរាគមន៍ស្តារប្រឡាយជួយសង្គ្រោះស្រូវប្រាំងដែលជួបការខ្វះខាតទឹកនៅ ខេត្តស្វាយរៀង

ការងារស្តារប្រឡាយនៅ ខេត្តស្វាយរៀង ដែលអនុវត្តដោយក្រសួងធនធានទឹក និងឧតុនិយម ដោយប្រើប្រាស់ ថវិកាជាតិបានចាប់ផ្តើមអនុវត្តចាប់ពីខែវិច្ឆិកា ឆ្នាំ២០១១ នេះសម្រេចបាន ៖

១. ស្រុកកំពង់រោទិ៍

- ស្តារព្រែករទេះប្រវែង ២.៣០០ ម

- សង្គ្រោះស្រូវប្រាំងចំនួន ៥២០ ហ.ត នៅឃុំរាជមន្ទីរ និងឃុំបន្ទាយក្រាំង

២. ស្រុកស្វាយជ្រុំ

ក. ប្រឡាយក្រាំងលាវ

- ស្តារប្រឡាយមេប្រវែង ៥.៤៦០ ម

- ស្តារប្រឡាយរងប្រវែង ៩២០ ម

- សង្គ្រោះស្រូវប្រាំងចំនួន ១.៧០០ ហ.ត នៅឃុំស្វាយធំ

ខ. ប្រឡាយតាសួស ក្នុងឃុំកំពង់ចំឡង

- ស្តារប្រឡាយប្រវែង ៣.៥០០ ម

- សង្គ្រោះស្រូវប្រាំងចំនួន ៤០០ ហ.ត

គ. ប្រឡាយគ្រួស ក្នុងឃុំស្វាយធំ

- ស្តារប្រឡាយប្រវែង ១.៩០០ ម

- សង្គ្រោះស្រូវប្រាំងចំនួន ២០០ ហ.ត

៣. សរុបរួម

- ស្តារប្រឡាយប្រវែង ១៤.០៨០ ម

- សង្គ្រោះស្រូវប្រាំងចំនួន ២.៨២០ ហ.ត