ឯកឧត្តម លឹម គានហោ រដ្ឋមន្ត្រីក្រសួងធនធានទឹក និងឧតុនិយម បានចុះត្រួតពិនិត្យ និងដាក់ឲ្យដំណើរការការដ្ឋានផ្លូវចាក់ក្រាលកៅស៊ូ លើខ្នងទំនប់មេអាងទឹកត្រពាំងថ្ម លើប្រវែងសរុប២១គីឡូម៉ែត្រ (ដែលតាមសំណើរមានត្រឹមតែ ៩,៨ គីឡូម៉ែត្រ ) ពីចំណុចទីតាំង ពីព្រំប្រទល់ឃុំពន្លៃ ដល់ព្រំប្រទល់ឃុំណាំតៅ ស្រុកភ្នំស្រុក

អនុវត្តតាមបទបញ្ជាដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន ប្រមុខរាជរដ្ឋាភិបាលកម្ពុជា ក្នុងឱកាសទិវាមឆ្ឆជាតិកាលពីថ្ងៃទី១ កក្កដា ឆ្នាំ២០២២ នៅអាងត្រពាំងថ្ម ក្នុងឃុំប៉ោយចារ ស្រុកភ្នំស្រុក ខេត្តបន្ទាយមានជ័យ។
នៅព្រឹកថ្ងៃអាទិត្យ ៥កើត ខែអាសាធ ឆ្នាំខាល ចត្វាស័ក ព.ស២៥៦៦ ត្រូវនឹងថ្ងៃទី៣ ខែកក្កដា ឆ្នាំ២០២២នេះ ឯកឧត្តម លឹម គានហោ រដ្ឋមន្ត្រីក្រសួងធនធានទឹក និងឧតុនិយម អមដំណើរដោយឯកឧត្តម ចាន់ស៊ីណាត រដ្ឋលេខាធិការ ដែលជាប្រធានមុខព្រួញប្រចាំខេត្តបន្ទាយមានជ័យ រួមជាមួយអ្នកបច្ចេកទេសរបស់ក្រសួង មន្ទីរធនធានទឹកខេត្តបន្ទាយមានជ័យ បានចុះត្រួតពិនិត្យ និងដាក់ឲ្យដំណើរការការដ្ឋានផ្លូវចាក់ក្រាលកៅស៊ូ លើខ្នងទំនប់មេអាងទឹកត្រពាំងថ្ម លើប្រវែងសរុប២១គីឡូម៉ែត្រ (ដែលតាមសំណើរមានត្រឹមតែ ៩,៨ គីឡូម៉ែត្រ ) ពីចំណុចទីតាំង ពីព្រំប្រទល់ឃុំពន្លៃ ដល់ព្រំប្រទល់ឃុំណាំតៅ ស្រុកភ្នំស្រុក។
ក្នុងប្រត្តិបត្តិការនេះ ក្រសួងបានប្រើប្រាស់គ្រឿងចក្រធុនធ្ងន់ សរុបចំនួន ៣៧គ្រឿងរួមមាន ៖
-នីវីលរ័ ០៣គ្រឿង
-រ៉ូឡូ ០៦គ្រឿង
-អេចស្កាវ៉ាទរ័ ១៥គ្រឿង
-រថយន្តបែន ១០គ្រឿង
-ឡានទឹក ០៣គ្រឿង
គ្រឿងចក្រទាំងអស់នេះមកដល់ការដ្ឋានជាបណ្តើរៗតាំងពីយប់ថ្ងៃទី២ ខែកក្កដាមកម៉្លេះ ៕