ភាសាខ្មែរ
សារពីឯកឧត្តមរដ្ឋមន្ត្រី
ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹកនិងឧតុនិយម
កម្ពុជាត្រូវការបង្កេីតអាងទឹក ស្តារអាងទឹក និងពង្រីកសក្តានុពលប្រភពទឹកដែលមានស្រាប់ដេីម្បីបំពេញនូវការស្រោចស្រព
វិស័យកសិកម្មនិងបំពេញតម្រូវការសម្រាប់ការប្រើប្រាស់ទឹកស្អាត កាត់បន្ថយបាននូវគ្រោះទឹកជំនន់ និងគ្រោះរាំងស្ងួតជាអតិបរមា
ឯកឧត្តម ប៉ុញ សច្ចៈ រដ្ឋលេខាធិការ អញ្ជើញដឹកនាំក្រុមការងារបច្ចេកទេសចុះពិនិត្យវឌ្ឍនភាពគម្រោងអភិវឌ្ឍន៍ប្រព័ន្ធធារាសាស្ត្រ និងកាត់បន្ថយទឹកជំនន់ខេត្តបន្ទាយមានជ័យ
ផុសថ្ងៃ: 05-12-2024 | អ្នកអាន: 144 |
Shareថ្ងៃព្រហស្បតិ៍ ៥កើត ខែមិគសិរ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី៥ ខែធ្នូ ឆ្នាំ២០២៤ ឯកឧត្តម ប៉ុញ សច្ចៈ រដ្ឋលេខាធិការ ក្នុងនាមតំណាងដ៏ខ្ពង់ខ្ពស់របស់ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹកនិងឧតុនិយម បានអញ្ជើញដឹកនាំមន្រ្តីបច្ចេកទេស ទីប្រឹក្សា ត្រួតពិនិត្យ និងអ្នកម៉ៅការសាងសង់កូរ៉េ មន្ទីរធនធានទឹកនិងឧតុនិយមខេត្ត ចុះពិនិត្យវឌ្ឍនភាពនៃការអនុវត្តគម្រោងអភិវឌ្ឍន៍ប្រព័ន្ធធារាសាស្រ្ត និងកាត់បន្ថយទឹកជំនន់ (IDFMP) ខេត្តបន្ទាយមានជ័យ ដំណាក់កាលទី១។
សូមជម្រាបថា វឌ្ឍនភាពការងារគិតត្រឹមថ្ងៃទី៥ ខែធ្នូ ឆ្នាំ២០២៤ គម្រោងអនុវត្តសម្រេចបាន ៥៩,៥៣% លើផែនការគ្រោងទុក ៤៨,០៣%។
ឯកឧត្តមរដ្ឋលេខាធិការបានបញ្ជាក់ថា បើពិនិត្យតាមល្បឿននៃការងារដែលកំពុងសាងសង់នារដូវប្រាំងឆ្នាំ២០២៥នេះ ការសាងសង់ហេដ្ឋារចនាសម្ព័ន្ធការងារដីនឹងបញ្ចប់ ១០០% ចំណែកការងារសាងសង់សំណង់ដែលនៅសេសសល់ នឹងត្រូវបញ្ចប់ទាំងស្រុងនៅដើមឆ្នាំ២០២៦ ខាងមុខ។
ក្រោយពេលចុះពិនិត្យការងារសាងសង់ និងធ្វើការណែនាំ ព្រមទាំងតម្រង់ទិសដោយផ្ទាល់រួចមក នារសៀលថ្ងៃដដែល ឯកឧត្តមរដ្ឋលេខាធិការបានដឹកនាំ ឯកឧត្តម លោក លោកស្រី ប្រជុំពិភាក្សា និងដោះស្រាយបញ្ហាប្រឈមមួយចំនួនដែលកំពុងកើតឡើងក្នុងគោលបំណងធ្វើយ៉ាងណាឱ្យដំណើរការសាងសង់ ប្រព្រឹត្តទៅដោយរលូន និងបញ្ចប់តាមផែនការដែលបានគ្រោងទុក៕
